十一樓 | 小妖

我哋叫小妖，

小，係瑣碎嘅日常；

妖，係好似小妖精咁，

總有啲古靈精怪嘅快樂同溫暖。

 

認真時認真，玩要玩得盡興。

喺小妖，可以搵到屬於自己嘅comfort zone 

呢度舒服自在，

係一個俾你探索自己更多，

盡情做自己嘅一個地方。

  

「有冇人今晚一齊煮飯？」

「我有娃娃菜！」

「我煎三文魚，因為我淨係識煎三文魚！」

簡簡單單又一餐。

 

「有冇人有興樓會完咗行落去飲早茶？」

「聽日有present 但係好想去～」

「聽日有八半堂，但係 why not? 」

 

唔知點解，只要係同樓友一齊，

即使係再瑣碎嘅事，都會變得刻骨銘心。

​

有時臨瞓前，攤喺張床望住天花板，

我都會諗：我到底喺度做緊乜？

 

但當第二日返到十一樓，

見到樓友拎住支guitar 入嚟話「我有新嘢玩！」

大家整緊樓友嘅生日蛋糕，

同時開住Zoom上堂，

我又會忍唔住拉開張櫈坐低，

好似呢度永遠都唔會悶。

​

「今日10號風球，我哋一齊整曲奇餅啦！」

或者所謂青春，就係要一邊狼狽，一邊快活，

將大學嘅Bucket list 逐一畫上剔號。

一邊尖叫「死啦做唔切」，一邊繼續傾偈到天光，先叫無悔。

 

 

小妖 黃瑤