十四樓 |拾肆樓

拾肆樓可以話係咩人都有，有人打波、做gym ，有人唱歌、跳舞，但只要聚埋一齊，你就會發現層樓根本無分晝夜，凌晨四點幾嘅走廊都可以好熱鬧。

 

「咩話 ?! 汶楗聯今晚又輸？」

 

當初某程度上，真係因為有汶楗聯先決定入呢層樓。不過住落先發現，最正嘅從來都唔係場波本身，而係完場之後嗰餐宵夜，可以名正言順約埋班冇住嘅樓友一齊直落、毫無顧忌咁圍內聚吓

 

「趁sem break去返轉東京先啦」

 

行街食嘢睇風景呢啲活動固然係樓trip必不可少嘅行程，但係講到最期待嘅就一定係分房環節，見到大家為咗張單人床出盡心計，呢幕先係成個 Trip 嘅精華。

 

「k town leg day anyone ?」

 

由初初九月開 sem 嗰陣得幾條友有 24/7，到五月尾完 sem 差唔多全層樓都reg 晒。只要你肯出聲，無論係幾點、無論幾荒謬，總會有人喺 group 應機，著住件頹 tee同你一齊做gym。（ P.S. 歡迎有決心嘅排骨竹籤型選手加入拾肆樓進行身型改造)

 

「X你仲瞓！大餐廳仲有兩日咋，快啲落去砌牆啦！」

 

諗返起當初某位大仙同我講：「大餐廳比狗做㗎。」

估唔到入到黎要做埋裝修師傅嘅工作，嗰邊就拎住電鑽砌緊牆，呢邊就趴喺度黐緊地板，為嘅都係想搞好大餐廳。

大仙講得啱，過程真係好辛苦，但係呢半個月成為咗今年最珍貴嘅回憶

 

一篇文又點會概括得晒全年嘅經歷？

有幾開心，真係要入嚟住過先知。

 

拾肆樓  楊逸